Лукашэнка павіншаваў Абаму з днём народзінаў

Аляксандр Лукашэнка павіншаваў з днём нараджэння прэзідэнта Злучаных Штатаў Амерыкі Барака Абаму.

«У Рэспубліцы Беларусь Вас ведаюць як прынцыповага, дальнабачнага і прагматычнага палітыка.

Знешнепалітычныя падыходы адміністрацыі Злучаных Штатаў Амерыкі, накіраваныя на пошук новых партнёраў, устанаўленне з імі ўзаемапаважальнага і свабоднага ад стэрэатыпаў узаемадзеяння, супадаюць з нашым разуменнем прынцыпаў развіцця міждзяржаўнага супрацоўніцтва», — гаворыцца ў віншаванні.

Аляксандр Лукашэнка выказаў упэўненасць, што «сумеснымі намаганнямі мы зможам напісаць якасна новую старонку беларуска-амерыканскіх адносін і вывесці іх на ўзровень, які адпавядае інтарэсам народаў абедзвюх краін».