АГП сфарміруе ініцыятыўную групу свайго прэтэндэнта да

Аб’яднаная грамадзянская партыя (АГП) мае намер сфарміраваць ініцыятыўную групу свайго прэтэндэнта на пасаду прэзідэнта да пачатку верасня. Пра гэта паведаміў лідэр партыі Анатоль Лябедзька 3 жніўня на пасяджэнні палітсавета АГП.

Нагадаем, ад АГП у прэзідэнцкіх выбарах мае намер удзельнічаць намеснік старшыні партыі, вядомы эканаміст Яраслаў Раманчук.

Лябедзька паведаміў, што «акцэнтавана ініцыятыўная група будзе збіраць подпісы ў 18 найбольш буйных гарадах Беларусі». Перад партыяй ставіцца задача сабраць за вылучэнне Раманчука кандыдатам у прэзідэнты па 15 тысяч подпісаў у кожнай вобласці і 35–40 тысяч у Мінску.

«Рашэнне аб вылучэнні свайго кандыдата на прэзідэнцкіх выбарах было правільным. Ідэя з адзіным кандыдатам не рэалізаваная. Калі б мы не вылучылі свайго кандыдата, то засталіся б на перыферыі палітычнага працэсу», — заявіў лідэр Аб’яднанай грамадзянскай партыі.