Някляеў пайшоў па слядах Казуліна

Лідэр кампаніі «Кажы праўду» Уладзімір Някляеў мае намер стаць «народным дэлегатам» чарговага Усебеларускага народнага сходу. Для гэтага актывісты кампаніі гатовыя сабраць 20 тысяч подпісаў. Пра гэта палітык заявіў 19 ліпеня ў Менску на канферэнцыі прадпрымальнікаў.

«Мы вылучым свайго народнага дэлегата на гэты самы Усебеларускі нацыянальны сход, каб наш народны дэлегат там сказаў дэлегатам ад улады народную праўду, — сказаў Уладзімір Някляеў у інтэрв’ю «Беларускаму партызану». — Па нашых падліках, для таго каб стаць дэлегатам хапіла б і 2 тысяч подпісаў. Але мы збяром ў 10 разоў больш. Прынамсі, такія планы ў нас ёсць. Паглядзім, што з гэтага атрымаецца».

Варта адзначыць, што ў 2006 годзе кандыдат у прэзідэнты Аляксандр Казулін таксама паспрабаваў прайсці на Усебеларускі народны сход. Але быў збіты і затрыманы супрацоўнікамі спецслужбаў у цывільным. Разам з палітыкам тады пацярпелі яшчэ некалькі сяброў ягонага выбарчага штабу, а таксама асвятлялі гэта мерапрыемства журналістаў.