Лукашэнка, каб разлічыцца з «Газпромам», пазычыў $200 млн ў Ільхама Аліева

Аляксандр Лукашэнка, каб разлічыцца з «Газпромам» за пастаўку газу, пазычыў грошы ў прэзідэнта Азербайджана Ільхама Аліева.

Пра гэта ён заявіў у інтэрв’ю тэлканалу «Еўраньюс».

Пашыраная тэлеверсія была паказана на Першым нацыянальным (БТ) вечарам у суботу. На «Еўраньюс» у пятніцу была паказана скарочаная версія.

«Я пазычыў 200 млн даляраў у свайго сябра Ільхама Аліева, мы заплацілі 100% таго, што патрабаваў «Газпром», сказаў Лукашэнка.