Маскевіч ня хоча гадаць пра ратыфікацыю дакумэнтаў па Мытнаму зьвязу

"Я не магу даць вам упэўненага адказу, а гадаць я проста не хачу", - заявіў старшыя Камісіі па міжнародных справах і сувязях з СНД Палаты прадстаўнікоў Сяргей Маскевіч. Такімі словамі Маскевіч адказаў на пытаньне "Свабоды", ці прадугледжваецца ратыфікацыя дакумэнтаў па Мытнаму зьвязу ў вясновую сэсію Палаты прадстаўнікоў.

Апошняе паседжаньне сэсіі пройдзе 30 чэрвеня.

Раней міжнародная камісія рыхтавала да тарыфікацыі дакумэнты па Мытнаму зьвязу. На паседжаньні камісіі дэпутаты раілі ўключыць разгляд дакумэнтаў у парадак дня сэсіі. Кіраўніцтва Палаты прадстаўнікоў так і зрабіла.