Мартынаў сустрэўся з Лаўровым

21 чэрвеня з двухдзённым рабочым візітам у Мінск прыбыў міністр замежных спраў Расіі Сяргей Лаўроў. 22 чэрвеня ён сустрэўся са сваім беларускім калегам Сяргеем Мартынавым.

Лаўроў высока ацаніў знешнепалітычнае ўзаемадзеянне Расіі і Беларусі. «У нас ёсць трывалая аснова — праграма сумесных дзеянняў, ухваленая Вышэйшым дзяржсаветам Саюзнай дзяржавы», — заявіў кіраўнік расійскага МЗС.

Паводле слоў Лаўрова, на восень запланавана правядзенне сумеснай калегіі знешнепалітычных ведамстваў Беларусі і Расіі, на якой будуць падводзіцца вынікі года.

БелаПАН