Прызначана прэмія за звесткі пра сям’ю Бакіева

Часовы ўрад Кыргызстана абяцае ўзнагароду за звесткі пра месцазнаходжанне сям’і Курманбека Бакіева.

Адпаведнае распараджэнне падпісала кіраўнік часовага ўраду Роза Атунбаева.

Памер узнагароды не паведамляецца, але ў красавіку прадстаўнікамі новай кіргізскай улады называлася сума ў 100 тысяч даляраў.

Раней намеснік кіраўніка часовага ўраду Азімбек Бекназараў паведаміў, што Кыргызстан абвясціў Курманбека Бакіева ў міжнародны вышук па лініі Інтэрпола. Ён таксама паведаміў, што запыт на экстрадыцыю Бакіева накіраваны ўладам Беларусі.

Радыё Свабода