Украіна пачала прымаць венесуэльскую нафту для Беларусі

Украіна згодна з дасягнутымі раней дамоўленасцямі пачала прымаць венесуэльскую нафту для Беларусі, паведамілі карэспандэнту БЕЛТА ў прэс-службе Міністэрства транспарту і сувязі Украіны.

Напярэдадні да аднаго з прычалаў нафтагавані Адэскага марскога гандлёвага порта быў пастаўлены танкер Sеа Stаr пад сцягам Мальты з 80 тыс.тон нафты назначэннем для Мазырскага нафтаперапрацоўчага завода. Пасля завяршэння выгрузкі першай партыі нафты з Венесуэлы яна будзе накіравана далей грузаатрымальніку чыгункай. Цяпер рэнтабельнасць варыянта транспарціроўкі венесуэльскай нафты ў Беларусь праз Адэскі порт і далей да месца назначэння разлічваецца эканамістамі. У выпадку паспяховага завяршэння эксперыменту згодна з дамоўленасцямі дзвюх краін грузапаток можа складаць да 4 млн тон у год, адзначылі ў ведамстве.