Бакіеў не прызнае сваёй адстаўкі

21 красавіка ў Выканкаме СНД у Мінску экс‑прэзідэнт Кыргызстана Курманбек Бакіеў, які зараз разам з сям’ёй знаходзіцца ў Беларусі, звярнуўся да сусветнай супольнасці і народа Кыргызстана.

Зварот доўжыўся роўна чатыры хвіліны, а меры перасцярогі былі прынятыя надзвычайныя.

Квартал перад будынкам СНД — на рагу вуліц Кірава і Камсамольская, насупраць стадыёна «Дынама» — быў ачэплены міліцыяй, усе аўтамабілі эвакуяваныя, міліцыянеры з сабакамі і мінашукальнікамі шукалі выбухоўку. Прысутнічалі міліцыянеры з сабакамі і ў самім будынку.

Зварот Бакіева ўтрымліваў сем пунктаў.

Экс‑прэзідэнт заявіў, што не прызнае сваёй адстаўкі.

«Я законна абраны прэзідэнт, прызнаны сусветнай супольнасцю», — сказаў Бакіеў.

Падрабязнасці праз некалькі хвілін на сайце…

***

Пра тое, што Бакіеў разам з сям"ёй знаходзіцца ў Мінску стала вядома ў аўторак падчас выступу А. Лукашэнкі ў беларускім парламенце. Кіраўнік Беларусі заявіў, што Бакіеў прыляцеў у Мінск у панядзелак на яго запрашэнне.

АП, фота ЮД