Аляксандр Лукашэнка і Віктар Януковіч у тэлефоннай размове абмеркавалі комплекс пытанняў двухбаковых адносінаў

Тэлефонная размова прэзідэнтаў Беларусі і Украіны адбылася ўчора, паведамілі БЕЛТА ў прэс-службе беларускага лідара.

Аляксандр Лукашэнка і Віктар Януковіч абмеркавалі комплекс пытанняў двухбаковых беларуска-ўкраінскіх адносінаў, актуальныя праблемы міжнароднага парадку дня і ўзаемадзеянне ў рамках інтэграцыйных аб'яднанняў на постсавецкай прасторы. Асаблівая ўвага была ўдзелена святкаванню 65-годдзя Вялікай Перамогі.