Беларускія парламентарыі маюць намер высветліць меркаванне прадстаўнікоў дзяржструктур аб адмене смяротнай кары

У Беларусі ўдзельнікі парламенцкай рабочай групы па вывучэнні праблематыкі пакарання смерцю плануюць правесці 1 красавіка пашыранае пасяджэнне з прадстаўнікамі зацікаўленых дзяржаўных структур. Аб гэтым у інтэрв'ю карэспандэнту БЕЛТА паведаміў старшыня Пастаяннай камісіі Палаты прадстаўнікоў па заканадаўстве і судова-прававых пытаннях, кіраўнік парламенцкай рабочай групы па абмеркаванні праблематыкі смяротнай кары Мікалай Самасейка.