Рэзкай дэвальвацыi ў Беларусi ў 2010 годзе не будзе

Аб гэтым заявiў учора журналiстам начальнiк галоўнага ўпраўлення валютнага рэгулявання i валютнага кантролю Нацбанка Беларусi Анатоль Мароз, перадае БЕЛТА.

Як адзначыў прадстаўнiк Нацбанка, дэвальвацыя беларускага рубля ў 2010 годзе праходзiць у рамках Асноўных напрамкаў грашова-крэдытнай палiтыкi. "Мы падпiсалi пагадненне з Мiжнародным валютным фондам, — сказаў Анатоль Мароз. — МВФ штоквартальна прыязджае, усё адсочвае. Мы не маем права адыходзiць ад запланаваных плюс-мiнус 10 працэнтаў. Таму рэзкай дэвальвацыi, якая была прапанавана МВФ у 2009 годзе (давялося яе правесцi), не будзе".