На выходных будзе цёпла і без дажджоў

У суботу, 18 ліпеня, у Беларусі чакаецца пераменная воблачнасць, паведамляе Белгідрамет. 

Будзе пераважна без ападкаў. Вецер уначы будзе слабы, удзень — паўночна-ўсходні ўмераны. 

Уначы прагназуецца 11-16 цяпла, месцамі чакаецца да +8...+10. Удзень будзе 23-29 вышэй за нуль.

19 ліпеня захаваецца пераменная воблачнасць. Будзе пераважна без ападкаў, толькі зранку і ўдзень у асобных раёнах па паўночным усходзе пройдуць кароткачасовыя дажджы, магчымыя навальніцы. Вецер будзе няўстойлівы слабы да ўмеранага, пры навальніцах парывісты.