На 12 ліпеня прагназуюцца моцныя дажджы і навальніцы

На нядзелю, 12 ліпеня, у Беларусі прагназуюцца моцныя дажджы і навальніцы. Яны магчымыя толькі месцамі, а на большай частцы тэрыторыі краіны пройдуць кароткачасовыя дажджы. Парывы ветру будуць дасягаць 14 м/с, паведамляюць сіноптыкі.

Што да тэмпературы паветра, то ў начныя гадзіны чакаецца ад +8 да +15 градусаў (на паўднёвым усходзе — да +19), удзень — ад +13 да +20 (на Гомельшчыне — да +28 градусаў).

У пачатку наступнага тыдня ападкаў стане менш, аднак спёкі не будзе.