Надвор'е на 28 чэрвеня: дажджы, навальніцы і да +29

У нядзелю, 28 чэрвеня ў Беларусі чакаюцца дажджы і нават навальніцы. Такі прагноз надвор'я дае Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Дажджы будуць кароткачасовымі, месцамі моцнымі, і пройдуць па большай частцы тэрыторыі Беларусі. Месцамі адбудуцца навальніцы. У цэлым жа ў нядзелю надвор'е будзе воблачнае, з праясненнямі.

Тэмпература паветра ўночы на 28 чэрвеня — ад +14 да +20 градусаў па Цэльсіі, днём — да 29 цяпла.