Расказваем, як падпісацца на «Полымя» праз інтэрнэт за 11 крокаў.
1. Заходзім на сайт «Белпошты».
Спачатку нам трэба зарэгістравацца. Для гэтага ў правым верхнім кутку старонкі трэба выбраць пункт «Уваход».
Павінна адкрыцца наступнае акно.
Перш чым перайсці да інтэрнэт-падпіскі, трэба будзе зарэгістравацца. Неабходна выбраць ваш статус, увесці нумар тэлефона, e-mail і пароль.
Вам павінна прыйсці SMS ад адпраўніка «BELPOST.BY», У ім будзе змяшчацца код, які неабходна ўвесці ў адпаведнай форме. Таксама неабходна пацвердзіць e-mail.
2. Выбіраем раздзел «Падпіска».
3. Далей выбіраем сервіс «Інтэрнэт-падпіска». На яго вядзе гіперспасылка.
4. У радок «Пошук па выданнях» уводзім назву «Полымя» або наш індэкс. Патрэбны індэкс можна даведацца з табліцы на папярэдняй старонцы.
Разгледзім пошук па назве. Калі вы ўсё зрабілі правільна, у вас старонка мусіць выглядаць наступным чынам.
5. Тут трэба звярнуць увагу на тое, што ў пошуку выпадаюць дзве карткі «Полымя». Гэта правільна, ніякай памылкі тут няма. Справа — Карэліцкая раённая газета «Полымя», злева — часопіс «Полымя».
Мусіць адкрыцца наступная старонка.
6. Выбіраем патрэбнае паўгоддзе. Тут нам прапануюць два варыянты — першы мае на ўвазе афармленне для фізічных асоб. Другі — для юрыдычных асоб.
7. Выбіраем патрэбны варыянт і трапляем на старонку, дзе можна дадаць колькасць месяцаў падпіскі, камплектаў, тып дастаўкі — у паштовую скрыню карыстальніка. у абанементную скрыню ці да запатрабавання. Афармленне заказу заканчваецца кнопкай «Дадаць у кошык».
8. Калі Вы ўсё зрабілі правільна, то сістэма Вам пра гэта паведаміць, а ўнізе старонкі з’явіцца радок «Кошык», дзе будзе адлюстравана сума, неабходная да аплаты, і кнопка «Перайсці». Націскаем гэтую кнопку і трапляем на старонку, дзе можна адрэдагаваць заказ пры яго неабходнасці — нешта дадаць, нешта выдаліць, змяніць колькасць камплектаў.
Старонка выглядае наступным чынам. Калі вы канчаткова вызначыліся ў сваёй замове, націсніце кнопку «Аформіць».
9. Адкрыецца раздзел «Вашы заказы». Вам трэба шчоўкнуць па радку з Вашым заказам.
10. Тут трэба ўвесці прозвішча, імя, імя па бацьку, адрас дастаўкі і пагадзіцца з дамовай аферты. Калі ўсё зроблена правільна — перад вамі з’явіцца такая старонка.
11. Націскаем кнопку «Перайсці да аплаты» і аплочваем.
