Надвор'е ў Беларусі ў нядзелю: дажджы, навальніцы і да +31

21 чэрвеня ў Беларусі чакаецца пераменная воблачнасць, паведамляе Белгідрамет.

Ноччу месцамі, днём на большай частцы тэрыторыі краіны пройдуць кароткачасовыя дажджы, чакаюцца навальніцы. Днём пры навальніцах месцамі прагназуюцца град і моцныя ліўні. Вецер паўночна-ўсходні, усходні ўмераны, пры навальніцах парывісты, днём у асобных раёнах чакаецца шквалістае ўзмацненне ветру.

Тэрмометры ноччу пакажуць 15-20 вышэй за нуль, днём чакаецца 23-31 цяпла.