Кароткачасовыя дажджы і да +32 чакаецца 10 чэрвеня

10 чэрвеня ў Беларусі чакаецца воблачнае з праясненнямі надвор'е, паведамляе Белгідрамет. 

На большай частцы тэрыторыі краіны пройдуць кароткачасовыя дажджы, прагрымяць навальніцы. Удзень пры навальніцах у асобных раёнах прагназуюцца град і моцныя залевы. Уначы і зранку месцамі чакаецца слабы туман. Вецер будзе паўднёва-ўсходні ўмераны, пры навальніцах парывісты. Удзень у асобных раёнах прагназуюцца шквалістыя парывы ветру. 

Уначы тэрмометры пакажуць 16-21 са знакам "плюс", удзень паветра прагрэецца да 26-32 вышэй за нуль. Аднак месцамі па Брэстчыне і Гродзеншчыне чакаецца толькі 23-25 цяпла.