Чатыры юных чытальніка прадставяць Ганцаўшчыну ў абласным этапе конкурсу «Жывая класіка»

У рамках работы па павышэнню цікавасці дзяцей і падлеткаў да чытання, развіццю і захаванню маральных каштоўнасцей і ідэалаў беларускага грамадства, выхаванню падрастаючага пакалення на лепшых узорах нацыянальнай літаратуры сярод вучняў устаноў агульнай сярэдняй і дадатковай адукацыі быў праведзены раённы этап рэспубліканскага конкурсу юных чытальнікаў «Жывая класіка». Удзел у ім прынялі 47 хлопчыкаў і дзяўчынак ва ўзросце ад 7 да 16 гадоў.

Па выніках конкурсу сярод 1-4 класаў пераможцам стала навучэнка ДУА «Гімназія г. Ганцавічы» Ульяна Радзіюк, сярод 5-6 класаў — навучэнка ДУА «СШ № 3 г. Ганцавічы» Вера Здрок. Ва ўзроставых групах 7-8 класаў і 9-10 класаў не было роўных навучэнцам ДУА «Раздзялавіцкая СШ» Ілоне Кісялевіч і Анастасіі Валуевіч адпаведна. Адзначым, што пераможцы раённага этапа прымуць удзел у абласным конкурсе, які пройдзе ў красавіку-маі.