Земляробы ААТ “Рассвет імя К.П.Арлоўскага” аднымі з першых на Кіраўшчыне распачалі сяўбу ранніх яравых збожжавых. Учора мы пабывалі на рассветаўскіх палетках у раёне вёскі Цейкавічы. На веснавым полі шчыраваў адзін з вопытных механізатараў гаспадаркі Міхаіл Вербенка. Ён адзначыў, што да сяўбы прыступіў з выдатным настроем: надвор’е спрыяе, тэхніка да пасяўной кампаніі падрыхтавана добра – толькі працуй! На карысць гаспадаркі Міхаіл Васільевіч шчыруе 32 гады, і ўсе – механізатарам.
На “Джон Дзіры” Міхаіл Вербенка пачаў засяваць поле ў 7 гадзін раніцы. У другую – начную змену яго змяняе напарнік Аляксандр Гутараў – таксама выдатны механізатар, на якога раўняюцца іншыя.
Яравым ячменем на гэтым полі рассветаўцы плануюць засеяць 92 гектары.