Праздник «Масленица» пройдёт в Ушачах 1 марта на центральной площади

Свята “Масленіца”

пройдзе заўтра, у першы дзень вясны, на цэнтральнай плошчы Ушач. Падчас яго можна будзе паглядзець тэатралізаваныя нумары, паўдзельнічаць у забаўляльных і спартыўных конкурсах, набыць сувеніры, прысмакі і, канечне, пачаставацца блінамі. Гульнявыя пляцоўкі пачнуць работу ў 10.30, а святочная праграма стартуе ў 11 гадзін.

Два электрамабілі

з’явіліся на спарткомплексе “Юнацтва-Ушачы”. Зрэшты, прызначаны гэты “аўтапарк” толькі для дзяцей – такім чынам на аб’екце папоўнілі пералік платных паслуг для наведвальнікаў. Пакатацца на машынках можна будзе і падчас розных масавых мерапрыемстваў, што ладзяцца ў райцэнтры. Так, ужо заўтра на свяце “Масленіца” малышы апрабуюць новыя джыпы.