21 лютага будзе пераважна без ападкаў і да +9

У пятніцу, 21 лютага, уначы будзе пераменная воблачнасць, а ўдзень — воблачна з праясненнямі, паведамляе Белгідрамет. 

Істотных ападкаў не прагназуецца, толькі днём па захадзе чакаюцца мокры снег і дождж. Уначы і зранку ў асобных раёнах будзе слабы туман. Вецер прагназуецца паўднёвы слабы да ўмеранага, удзень месцамі парывісты. 

Уначы тэмпература паветра будзе ад -3 да +3, удзень чакаецца 3-9 цяпла.