У кантэйнеры, адпраўленым з Усурыйска ў Калінінград, беларусы знайшлі зброю

Зброю і боепрыпасы знайшлі беларускія мытнікі ў чыгуначным кантэйнеры, адпраўленым з расійскага горада Усурыйск у Калінінград. Дакументаў на яе перамяшчэнне не было.

Як паведамляе прэс-служба Дзяржаўнага памежнага камітэта Беларусі, праверку правялі ў Маладзечне. У кантэйнеры была гладкаствольная стрэльба і 44 патроны да яе. Там жа знаходзіліся аўтамабіль і старыя асабістыя рэчы. Распачатая крымінальная справа.