Ветэран Вялікай Айчыннай вайны Пётр Шэўка з вучнямі Красненскай СШ
У гэтым годзе Карэліцкі раён святкуе значную дату ў гісторыі ўсёй Беларусі — 75-годдзе Вялікай Перамогі.
Напэўна, няма на тэрыторыі Карэліччыны ніводнай сям’і, якую не кранула вайна. Загінулыя франтавікі і мірныя жыхары, параненыя і скалечаныя целы и душы, спаленыя вёскі і разбураныя хаты — усё гэта спаўна спазналі жыхары нашага раёна. На шчасце, многія салдаты вярнуліся з палёў бітваў, а вязні нацызму, вызваліўшыся з рабства, здабылі шчасце на малой радзіме.
Калі ў вас, дарагія чытачы, у дамашніх архівах захаваліся фатаграфіі, лісты з фронту ці ўспаміны, звязаныя з Вялікай Айчыннай вайной, дасылайце іх на адрас рэдакцыі: 231430 г.п. Карэлічы, пл. 17 Верасня, 7, або на наш электронны адрас: polymia@mail.grodno.by. Усе дасланыя матэрыялы пасля выкарыстання будуць вернуты адрасатам.
Давайце на справе дакажам, што карэліччане памятаюць сваіх герояў!