На раённае навагодняе свята, якое на Сенненшчыне пройдзе 26 снежня ў межах агульнадзяржаўнай дабрачыннай акцыі “Нашы дзеці”, запрошаны дзеці-сіроты, дзеці, якія засталіся без апекі бацькоў, дзеці-інваліды, дзеці са шматдзетных і малазабяспечаных сямей, а таксама вучні, узнагароджаныя па выніках раённых, абласных, рэспубліканскіх алімпіяд, творчых конкурсаў і спартыўных мерапрыемстваў, адзначаныя за поспехі ў грамадскай рабоце.
Усіх іх у Сенненскім раённым цэнтры культуры і народнай творчасці чакае запамінальнае дзейства і, зразумела, падарункі ад Дзеда Мароза і Снягуркі.
Юныя прадстаўнікі раёна прымуць удзел і ў іншых мерапрыемствах традыцыйнай для Беларусі акцыі. У Мінску дэлегацыя з раёна будзе знаходзіцца 23 і 24 снежня – яна запрошана на навагодняе свята з удзелам кіраўніцтва краіны. У Віцебск сенненскія дзеці паедуць 24 снежня, каб прыняць удзел у абласным навагоднім свяце.
“ГС”.