На пажары ў псіхдыспансеры пад Смаргонню загінуў пацыент
Пажар у псіхдыспансеры ў Жодзішках / grodno.mchs.gov.by
12 снежня ў 8:07 смаргонскім ратавальнікам паведамілі пра пажар у вёсцы Жодзішкі. Загаранне адбылося ў псіхіятрычным дыспансеры, размешчаным у гэтай вёсцы, адзначае прэс-служба МНС.
Паводле папярэдняй інфармацыі, прычынай пажару стаў тэлевізар, які загарэўся ў фае на другім паверсе будынка.
Прыбыўшы на месца выкліку, супрацоўнікі МНС пабачылі, што калідор і памяшканні дыспансера запоўненыя моцным дымам. Да прыбыцця ратавальнікаў персанал эвакучваў 51 пацыента.
Пры разведцы супрацоўнікі МНС выявілі, што 66-гадовы пацыент загінуў. А вось 80-гадовую пацыентку байцы МНС змаглі выратаваць і вынесці на свежае паветра.
Ратавальнікі не дапусцілі распаўсюджванне пажару за межы фае.
Эвакуіраваных людзей часова размясцілі ў суседнім будынку. Акалічнасці здарэння высвятляе следча-аператыўная група.