Туман і мокры снег чакаюцца 11 снежня

Хмарнае надвор'е прагназуецца ў Беларусі 11 снежня, перадае Белгідрамет.

Месцамі чакаюцца невялікія ападкі — пераважна снег, мокры снег. Таксама сіноптыкі прагназуюць туман, слабы галалёд, на асобных участках дарог — галалёдзіцу. Вецер будзе пераменных напрамкаў умераны. 

Уначы тэмпература паветра будзе -3...+2, па паўночным захадзе — да 5 градусаў марозу. Удзень чакаецца ад -1 да +5.