Аншлаг на лекцыі пра Кастуся Каліноўскага ў Берасці

– Гэта сапраўды аншлаг. На першыя заняткі даўно столькі не прыходзіла людзей, але я лічу, гэта не толькі таму, што «Мова» пачалася, а гэта яшчэ тэма адпаведная – «Каліноўскі», якая літаральна некалькі дзён таму гучала ў Літве, дзе беларусы паказалі, што ёсць такая нацыя, паказалі ўсяму свету. І мы запрасілі Леаніда Іванавіча Ермаковіча, гісторыка, ён выкладаў ва ўніверсітэце, каб ён распавёў пра асобу і пра паўстанне Каліноўскага, і мне падаецца, што атрымалася выдатна.

Поўную лекцыю госця курсаў „Мова Нанова ў Берасці”, гісторыка і экс-выкладчыка Леаніда Ермаковіча можна паслухаць на аўдыёсервісе SoundCloud. Акрамя таго, вядоўцы параілі спампаваць і кнігу гарадзенца Васіля Герасімчыка пад назвай “Кастусь Каліноўскі: асоба і легенда”, якая пабачыла свет у 2018 годзе. Даступна яна на сайце symbal.by пакуль бясплатна.

Берасцейскія курсы “Мова Нанова” ў гэтым сезоне будуць праходзіць штоаўторак у 18:30, па адрасе вул. Савецкая, 51.