Сіноптыкі ў пачатку тыдня абяцаюць лагоднае надвор’е, з плюсавой тэмпературай. Але ад чацвярга пачне халаднець: чакаецца “мінус” і снег.
Сёння, 19 лістапада, будзе воблачна з праясненнямі. Ападкаў не прагназуецца. Вецер неістотны. У другой палове дня — туман і пагаршэнне бачнасці на дарозе. Будзьце пільнымі! Удзень — +5…+7 °С, уначы — 5…6 градусаў са знакам “+”.
У сераду надвор’е ў асноўным пахмурнае, чакаецца без ападкаў. Раніцай — туман. Паўднёва-ўсходні вецер складзе 6 — 8 метраў за секунду, парывы — да 11. Дзённая тэмпература — 5…6 градусаў вышэй за нуль, ноччу — +2…+3 °С.
У чацвер перадаюць суцэльную воблачнасць, без дажджу і снегу. Вецер — паўднёва-ўсходні — 7 — 9 м/с, з парывамі — да 14. Удзень — не больш за 3 градусы цяпла, уначы — 0…+1 °С.
22 лістапада на працягу дня чакаецца снег і воблачнасць. Паўднёва-ўсходні вецер захавае паказчыкі чацвярга. Удзень — -1… 0 °С, ноччу — -5…-4 °С.
“НН”.