Усё больш і больш грамадзян прыходзіць сёння на ўчасткі Нясвіжскага раёна, каб выканаць свой грамадзянскі абавязак.
На Беларускім ўчастку № 5 у СШ № 1 г. Нясвіжа па стане на 17.30 свой голас аддалі 1190 чалавек з улікам датэрміновых вынікаў.
Усяго па выніках датэрміновага галасавання бюлетэні ў скрыню адправілі 33% выбаршчыкаў. Каля 100 чалавек выказалі пажаданне прагаласаваць дома.
Увесь дзень на выбарчым ўчастку пануюць добры настрой і атмасфера свята. Для выбаршчыкаў была арганізавана спартыўна-відовішчная праграма “Нясвіжчына спартыўная”, канцэрт навучэнцаў “Вясёлка талентаў” і іншае. На працягу дня тут працуюць выставы дэкаратыўна-прыкладной творчасці “Калейдаскоп ідэй”, дзіцячых малюнкаў “Фарбы дзяцінства”, фотазона “Беларусь мая сінявокая”.
“НН”.