Сяргей Піваварэвіч — механізатар ЗАТ “1 Мая”. Калі мы наведвалі гаспадарку, ён вазіў зялёную масу кукурузы ў сіласную яму на трактары Беларус-1221. Маючы вялікі стаж — 28 год у гаспадарцы — Сяргей Якімавіч з задавальненнем удзельнічае ва ўсіх работах таварыства: возіць кукурузу, убірае збожжавыя на камбайне, арэ. “Усё, што ёсць, тое і робім”, — з усмешкай кажа механізатар.
Сяргей Піваварэвіч прыехаў на Нясвіжчыну, на радзіму жонкі, калі адслужыў у арміі. Сам ён родам са Століншчыны. Зараз сям’я жыве ў Салтанаўшчыне ў сваёй кватэры, якую выкупілі ў гаспадаркі.
Неаніла ЛЮБАНЕЦ.