У Мінску таксіст прадаў за 500 рублёў чужы Mercedes
minsk.mvd.gov.by
У Мінску таксіст прадаў за 500 рублёў чужы аўтамабіль Mercedes-Benz. Ён праязджаў па вуліцы Убарэвіча і заўважыў прыпаркаваную машыну. Яна яму падалася нічыйнай. 31-гадовы мужчына вырашыў... прадаць легкавік. Ён змясціў у інтэрнэце аб'яву пра продаж аўтамабіля з фотаздымкамі. Пакупнік знайшоўся. Таксіст сказаў, што згубіў дакументы на Mercedes. Як інфармуе прэс-служба сталічнай міліцыі, машыну ў яго купілі.
Mercedes пачалі шукаць пасля таго, як у міліцыю з заявай звярнуліся сваякі памерлага яго ўладальніка. Высветлілася, што якраз вырашалася пытанне з маёмасцю, і машына часова заставалася каля дома. Да таго часу, пакуль яе не заўважыў таксіст.
Па справе праводзіцца праверка. Пакуль невядома, якое пакаранне чакае мінчука. Раней яго прыцягвалі да крымінальнай адказнасці за хуліганства і рабаванне.