У Іванаўскім раёне пасажыр выпаў на дарогу з машыны падчас руху

Трагічнае здарэнне адбылося ў Іванаўскім раёне Брэстчыны: мужчына выпаў з фуры пад колы аўтамабіля, перадае БЕЛТА.

Няшчасны выпадак адбыўся каля поўначы 19 кастрычніка. Па аўтадарозе М10 Кобрын-Гомель-мяжа Расіі ехаў аўтамабіль "Фіят Дуката", якім кіраваў 39-гадовы брэстаўчанін. У кузаве машыны быў пасажыр — 42-гадовы брастаўчанін. Падчас руху пасажыр адчыніў бакавыя дзверы аўтафургона і вываліўся на дарогу.

Мужчына трапіў пад колы аўто і ад траўмаў памёр на месцы здарэння. Па факце ДТЗ праваахоўнікі пачалі крымінальную справу.