У сераду “бабіна лета” працягнецца: у Беларусі да +22

У Беларусі працягваецца “бабіна лета”. 16 кастрычніка — па-вераснёўску цёпла, сярэднясутачная тэмпература — на 10°C вышэй за кліматычную норму.

У сераду, 16 кастрычніка, у Беларусі — пераменная воблачнасць, пераважна без ападкаў. Вецер прагназуецца паўднёва-заходні, паўднёвы ўмераны, днём парывісты. Тэмпература паветра ноччу: +7...+ 12°С, удзень ад +16 да + 22°C. Атмасферны ціск будзе падаць.

Пад вечар будзе адчувацца ўплыў малаактыўнага атмасфернага фронту, які ў перспектыве прынясе дажджы і больш вільготнае паветра.