Пад Маларытай кіроўца аўтамабіля збіў каня і ўцёк

У Маларыцкім раёне аўтамабіль збіў каня і ўцёк з месца ДТЗ. Пра гэты інцыдэнт агенцтву БЕЛТА распавяла афіцыйная прадстаўніца УУС Брэсцкага аблвыканкама Наталля Сахарчук.

Здарэнне адбылося 3 кастрычніка каля 19:00 у аграгарадку Гвозніца. Вясковец з канём ішоў па ўзбочыне вуліцы Зяленіна. У спадарожным кірунку рухаўся аўтамабіль, які збіў жывёлу. Пасля гэтага машына, не спыняючыся, паехала далей.

У каня пасля ДТЗ траўмаваныя ногі.

Супрацоўнікі ДАІ Маларыцкага РАУС шукаюць кіроўцу. Як удакладняе газета "Голас часу", мужчына рухаўся на белым мікрааўтобусе "Мерсэдэс".