На пешаходным пераходзе ў Бярозе машына збіла раварыстку

19 верасня каля 16:10 у Бярозе адбылося дарожна-транспартнае здарэнне, паведамляе прэс-служба УУС Брэсцкага аблвыканкама.

Па вуліцы Леніна ехаў на аўтамабілі "Рэно Лагуна" 19-гадовы жыхар Бярозы. На нерэгуляваным пешаходным пераходзе ён збіў 69-гадовую мясцовую жыхарку на ровары. Жанчына ехала па пераходзе, не спешваючыся.

Пенсіянерку з траўмамі шпіталізавалі ў Бярозаўскую цэнтральную раённую лякарню.