Унутры былі людзі: у парку Горкага выпалі дзверцы кабінкі "Кола агляду"

У нядзелю 15 верасня ў Цэнтральным дзіцячым парку імя Максіма Горкага ў Мінску адбыўся інцыдэнт. Дзверцы адной з кабінак "Кола агляду" адваліліся падчас работы атракцыёна. У гэты час у кабінцы знаходзіліся людзі. Аб тым, што здарылася, парталу TUT.by паведаміла сведка здарэння Наталля. Жанчына кажа, што дзверцы ўпалі ў 50-100 метрах ад яе.

Паводле яе слоў, работнікі парку ўсё аператыўна прыбралі. Пацярпелых няма.