Пры здымках кіно ў Мінску знайшлі снарад часоў вайны

У лесапаласе каля вуліцы Парніковай у Мінску знайшлі 82-міліметровую мінамётную міну з узрывальнікам часоў Другой Сусветнай вайны, паведамляе прэс-служба ГУУС Мінгарвыканкама. 

Небяспечная знаходка трапілася падчас здымак фільма. Здымачная група капала яму, калі натыкнулася на прадмет, падобны да боепрыпаса. На месца здарэння неадкладна выехалі следча-аператыўная і сапёрна-піратэхнічная групы. Яны агарадзілі небяспечную тэрыторыю і дасталі міну на паверхню.