З надыходам першага восеньскага месяца маладзёжны працоўны рух на Кіраўшчыне не спыняецца. Днямі актывісты раённай арганізацыі ГА “БРСМ” дружнай камандай на чале з педагогам-арганізатарам Жыліцкага сельгаскаледжа Канстанцінам Масальскім прынялі ўдзел у работах у межах падрыхтоўкі да раённага свята працаўнікоў вёскі “Дажынкі-2019” па добраўпарадкаванні ў райцэнтры. Хлопцы і дзяўчаты надалі новы выгляд дзіцячай пляцоўцы ў мікрараёне Кіраўска па вул. Гагарына. Арэлі, турнікі, лавачкі — усё, што ў свой час было зроблена для мясцовай дзятвы і развіцця фізічных здольнасцей рабят, пафарбавана, падноўлена і прыведзена ў прывабны выгляд.
Фота Аляксандра ХАХЛОВА.