Памерла дзяўчына, якую заціснула шклом у машыне
11.09.2019 15:51
—
Разное
![Памерла дзяўчына, якую заціснула шклом у машыне](http://www.21.by/pub/news/2019/09/1568209126046892.jpg)
pixabay.com
У рэанімацыйным аддзяленні лякарні 7 верасня памерла 20-гадовая жыхарка Жабінкі, якую заціснула шклом у аўтамабілі, паведамляе прэс-служба Следчага камітэта ў сваім Telegram-канале.
31 жніўня жанчына разам з сям'ёй была ў гасцях у вёсцы Старое Сяло Брэсцкага раёна. Прыкладна ў 16:30 муж знайшоў яе ў непрытомным стане, заціснутай шклом пярэдняй левай дзверкі машыны. Мужчына выбіў шкло і выклікаў хуткую.
Мяркуецца, што жанчына хацела праз адчыненае акно дастаць з салона аўто двухгадовую дачку. Але нечакана спрацаваў шклопад'ёмнік, і жанчыну заціснула.
Праверкай па гэтым факце займаецца Следчы камітэт. Дакладную прычыну смерці назавуць пасля судова-медыцынскай экспертызы.