У Мінску легкавік урэзаўся ў тралейбус з пасажырамі (фота)

2 верасня ў 11:29 медыкі затэлефанавалі ратавальнікам і паведамілі пра ДТЗ на вуліцы Адзінцова насупраць дома №22. 

Як паведамляе прэс-служба МНС, "Фальксваген Пола" выехаў на сустрэчную паласу і ўрэзаўся ў тралейбус маршруту №77, у якім ехалі каля 40 пасажыраў. 

Ніхто з пасажыраў тралейбуса не пацярпеў. А 68-гадовую кіроўцу "Фальксвагена" заблакавала ў машыне. 

Ратавальнікі дэблакавалі жанчыну. З разнастайнымі траўмамі яе шпіталізавалі ў лякарню хуткай дапамогі.