Плата за карыстанне школьнымі падручнікамі

У новым навучальным годзе плата за карыстанне падручнікамі складзе Br12,75 для школьнікаў і Br5,1 — для дашкольнікаў. Аб гэтым карэспандэнту БелТА паведамілі ў Міністэр­стве адукацыі.
У Мінадукацыі нагадалі, што ў 2018 годзе плату за карыс­танне падручнікамі ў беларускіх школах прывязалі да базавай велічыні. У адпаведнасці з пастановай Савета Міністраў ад 28 жніўня 2018 года № 621, кошт камплекта для тых, хто асвойвае змест адукацыйных параграм дашкольнай адукацыі, складзе 0,2 базавай велічыні (1 БВ — Br25,5), агульнай сярэд­няй — 0,5 БВ. У міністэрстве праінфармавалі, што ніякіх змен у пастанову не ўносілася, а значыць бацькам школьнікаў за падручнікі трэба будзе заплаціць Br12,75 (Br12,25 — у мінулым навучальным годзе), дашкольнікаў — Br5,1 (Br4,9).
Як паведамлялася, да новага навучальнага года плануецца выпусціць 73 новыя навучальныя выданні. Дзень ведаў у Беларусі пройдзе 2 верасня, у панядзелак. Заняткі пачнуцца для 1 млн 30 тыс. школьнікаў, у тым ліку 115 тыс. першакласнікаў.

БелТА