Два беларускія вайскоўцы пацярпелі пры пажары катара

27 жніўня ў Бешанковічах пацярпелі два вайскоўцы транспартных войскаў, інфармуе прэс-служба Міністэрства абароны.

Пры манеўры буксіра загарэўся рухавік катара. У выніку гэтага два чалавекі атрымалі апёкі рознай ступені цяжкасці. Паведамляецца, што пацярпелым аператыўна аказалі медыцынскую дапамогу. 

Цяпер пагрозы для жыцця вайскоўцаў няма. Прычыны ўзгарання рухавіка расследуюцца.