Пад Глускам у багажніку машыны знайшлі цела мінчука ў мяшку

У аўторак у Глускім раёне ў багажніку аўтамабіля знайшлі цела мінчука з прыкметамі гвалтоўнай смерці. Яно было ў мяшку. Як інфармуе ў Telegram прэс-служба Следчага камітэта, былі затрыманыя трое чалавек: мужчына і жанчына, якія напярэдадні распівалі з ім алкагольныя напоі, кіроўца легкавіка. Усе яны жыхары Мінска, усе на момант затрыманныя былі п'яныя.

На месцы працуе следча-аператыўная група, якая высвятляе ўсе абставіны трагічнага здарэння.