500 кг пасцельнай бялізны згарэла ў чыгуначнай пральні Брэста

У Брэсце здарыўся пажар ў трохпавярховым цагляным будынку чыгуначнай пральні на вуліцы Дворчык, перадае прэс-служба МНС.

Інцыдэнт адбыўся 18 жніўня ў 20:41. Агонь узнік на першым паверсе будынка. На пажары згарэла 500 кг пасцельнай бялізны. Яшчэ 2500 кг бялізны супрацоўнікі МНС паспелі выратаваць. 

Прычына пажару высвятляецца.