Мікрааўтобус з 10 пасажырамі перакуліўся ў Баранавічах (фота)

Зранку 6 жніўня ў Баранавічах адбылося ДТЗ, у якім пацярпеў мікрааўтобус з пасажырамі, паведамляе прэс-служба УУС Брэсцкага аблвыканкама. 

Аварыя здарылася каля 7:45 на скрыжаванні вуліц Мінскай і Прамысловай. 34-гадовы жыхар Лагойска, які рухаўся на аўтамабілі "Шэўрале", выехаў на скрыжаванні, не зважаючы на дарожны знак "Рух без прыпынку забаронены". Яго машына ўрэзалася ў мікрааўтобус "Рэно-Трафік", у якім былі 10 пасажыраў і 38-гадовы кіроўца.

Ад удару мікрааўтобус перакуліўся. На шчасце, людзі пры здарэнні не пацярпелі, толькі аўтамабілі атрымалі механічныя пашкоджанні. 

Па факце ДТЗ праводзіцца праверка.