МНС: Пад Віцебскам з рэек сышлі некалькі цыстэрнаў

Некалькі цыстэрнаў сышлі з рэек каля вёскі Замасточча на чыгуначным участку Орша-Віцебск. Пра гэта паведамляе ў сацыяльных сетках прэс-служба МНС.

"Перагон Орша-Віцебск. Паблізу вёскі Замасточча сышлі з рэек некалькі цыстэрнаў. Да месца прыбываюць падраздзяленні МНС. Звестак аб пацярпелых няма. Будзе дапоўнена і / або абноўлена", — гаворыцца ў паведамленні.

Нагадаем, што 15 ліпеня каля Крупак з рэек сышлі некалькі пустых вагонаў і пашкодзілі чыгуначныя шляхі. Рух цягнікоў на ўчастку Мінск-Орша быў ускладнены.