8 ліпеня Карэліччына вітала міністра замежных спраў Рэспублікі Беларусь і нашага земляка, ураджэнца вёскі Некрашэвічы, Уладзіміра Макея. Кіраўнік знешнепалітычнага ведамства разам са старшынёй Карэліцкага райвыканкама Віктарам Шайбаком наведаў Мірскі замак.
Падчас візіту міністра чакала насычаная экскурсійная праграма. Пасля чаго Уладзімір Макей пакінуў запіс у «Кнізе ганаровых гасцей» замкавага комплекса «Мір», дзе падзякаваў яго калектыву за захаванне гістарычнай памяці, энтузіязм, творчы і неабыякавы падыход да справы і адзначыў: «Усё, што знаходзіцца ў замку, сведчыць пра надзвычай багатую гісторыю Беларусі і яе народа. І наша агульная задача — зрабіць усё для росквіту і дабрабыту нашай любімай краіны ў будучым».
Да слова, візіт міністра замежных спраў у Гродзенскую вобласць быў прымеркаваны да адкрыцця Сцяны Памяці ў Навагрудку на тэрыторыі былога гета, дзе зараз знаходзіцца Музей яўрэйскага супраціўлення.
Інфармацыя і фотаздымкі прадастаўлены музеем «Замкавы комплекс «Мір»