У панядзелак чакаюцца дажджы з навальніцамі, у сярэднім па краіне будзе +26

У бліжэйшыя суткі, 17 чэрвеня, у Беларусі чакаецца хмарнае з праясненнямі надвор'е. Месцамі пройдуць кароткачасовыя дажджы і навальніцы. Уначы і раніцай у асобных раёнах прагназуецца слабы туман.

Вецер будзе паўднёвы з пераходам на паўночна-заходні ўмеркаваны, месцамі парывісты.

Уначы максімальная тэмпература паветра —+19, удзень у сярэднім па краіне будзе да +26, толькі на ўсходзе захаваецца спёка да +30, перадае БЕЛТА са спасылкай на Белгідрамет.