У Магілёве пачалі выпускаць ромаў, затрыманых у дзень забойства міліцыянта
svaboda.org
З Магілёўскага ізалятара часовага ўтрымання пачалі выпускаць ромаў, затрыманых ўвечары 16 траўня, калі быў забіты супрацоўнік ДАІ Яўген Патаповіч. Больш за 60 чалавек былі затрыманыя і абвінавачаныя ў хуліганстве. Іх затрыманні маглі быць звязаныя з гібеллю міліцыянта.
Паводле тэлеграм-канала NEXTA, Патаповіч паведаміў, што ён выкрадзены людзьмі "цыганскага або каўказскага выгляду". Афіцыйнай інфармацыі на гэты конт, аднак, не агучвалася. Цела 22-гадовага Патаповіча было знойдзена за паўгадзіны да таго, як адбыліся масавыя арышты ромов.
Вызваленыя з ізалятара распавялі Радыё Свабода, што ім інкрымінавалі "дробнае хуліганства". Ці складалі пратаколы — не памятаюць. На сёння на волю выйшлі каля 20 чалавек.
За кратамі знаходзіліся толькі мужчыны, жыхары магілёўскіх пасёлкаў Чапаеўка і Грабянёва. Гэта паселішчы, у якіх кампактна пражываюць ромы.